திருக்கூடல் நாற்பது (கவிதைக் கதம்பம்) – கதம்பம் 4

Thirukoodal Narpathu

கதம்பம் 4

நன்னிலம் புதைத்தச் சிறுவிதைப் போல
என்றோ மனதில் பரமேட்டி புதைந்திருந்தான்!
முன்னோர் மரபினால் அழகனை கண்டபின்
இன்றோ என்னுளிருந்து எனை வளர்த்து ஆள்கிறான்! (34)

பழகிய பரவசம் மனதுள்ளே மாயமாய் கூடல்
அழகிய மாயனின் சன்னதி அடைந்தபின்!
பழம் பிறப்பு எச்சமோ பான்மையின் மிச்சமோ
பழம்படி என்னையுமுன் நினைப்பிலே நிறுத்துவாய்! (35)

நீடு நெடு வையையின் இருந்தையூர் இறைவனே
நீடு நெடு வாழ்விலே இருந்தெம்மைக் காத்திடாய்!
ஈடுயிணை அற்றவன் வீற்றிருக்கும் விக்ரமன்!
நாடு கூடல் அழகனை நாடு கூடி வாழவே! (36)

திருக்கூடல் புகழாளன் அருட்கருணைப் போற்றியே!
திருக்கூடல் அருளாளன் திருவழகு போற்றியே!
மதுரைக்கு மூத்தவள் மதுரவல்லி போற்றியே!
புதுவைப் பட்டனும் பல்லாண்டும் போற்றியே! (37)

வேண்டிவந்தால் வளம் தரும் திருமால் கொண்ட‌
பாண்டிவள நாட்டிலே தமிழ் சங்கம் பிறந்ததே!
பல்வகை இலக்கியம் இருப்பினும் பாட்டுடைத்
தலைவனாய் கூடல் அழகன் எங்கேனும் படித்த‌துண்டோ ? (38)

புலவர்கள் உன்னை எழுதிட மறந்தனரோ ! இல்லை
மாலிக் காஃபுரின் வேட்டையில் இலக்கியம் எரிந்ததோ ?
காலத்தின் ஓட்டத்தில் பூமியில் புதைந்ததோ?
இலக்கியப் பசியினால் கரையான்கள் தின்றதோ? (39)

மொழிகளின் அரசி தமிழினைக் கொண்டு ‍ கூடல்
அழகனே உன் பிள்ளை உனைப் போற்றும் படைப்பு!
ஏற்றிடுவாய் கம்பத்தடியான் எழுதினையே உனக்காக‌
நற்றமிழில் ஓர் படைப்பு தோன்றும் வரை! (40)

Also, read

• திருக்கூடல் நாற்பது – கதம்பம் 1
• திருக்கூடல் நாற்பது – கதம்பம் 2
• திருக்கூடல் நாற்பது – கதம்பம் 3
• மகர நெடுங்குழைக்காதர் திருப்பள்ளியெழுச்சி

Our Sincere Thanks:

கம்பத்தடியான் (Sudharsana Srinivasan)
Email ID: kambathdiayaan@gmail.com or viruvasan@gmail.com

இதைப் பதிவேற்றியவர்..

Dineshgandhi

நான் தினேஷ், Aanmeegam.org வலைத்தளத்தின் நிறுவனர். 2018 ஆம் ஆண்டு Blogger மூலம் ஆரம்பித்து 2020 இல் WordPress-க்கு மாறினேன். ACCET, காரைக்குடியில் MCA முடித்துள்ளேன். 10 ஆண்டுகளுக்கும் மேல் அனுபவம் வாய்ந்த SEO நிபுணராகவும், ஆன்மிக பதிவாளராகவும் செயல்படுகிறேன்.

Read full bio →