பக்த மீராபாய்

Mirabai Life Story in Tamil

மீராபாய் என்று அழைக்கப்படும் மீரா (1498-1547) ஒரு சிறந்த கவிஞரும், கிருஷ்ணரின் தீவிர பக்தரும் ஆவார்.

மீரா, இந்தியாவின் ராஜஸ்தானில் ஒரு ராஜபுத்திர அரச குடும்பத்தில் பிறந்தார். பெரும்பாலான புராணக்கதைகள் கிருஷ்ணரிடம் அவர் கொண்டிருந்த பக்தியைப் பற்றிக் குறிப்பிடுகின்றன, மேலும் அவரது அதிதீவிர கிருஷ்ண பக்திக்காக அவரது மாமனாரால் வெறுக்கப்பட்டார். மீராபாய் கிருஷ்ணரைப் புகழ்ந்து நிறைய கவிதைகள் எழுதியிருந்தாலும், அவரது கவிதைகளில் சில மட்டுமே பாதுகாக்கப்பட்டன.  

இக்கவிதைகள் பொதுவாக பஜனைகள் என்று அழைக்கப்படுகின்றன.  பண்டைய ஆவணங்களின்படி, மீரா 1516 ஆம் ஆண்டில் மேவாரின் பட்டத்து இளவரசர் போஜ் ராஜை விருப்பமின்றி திருமணம் செய்து கொண்டார் என்று அறியப்படுகிறது. இவரது கணவர் 1521 இல் இறந்தார்.

கிருஷ்ணரிடம் பக்தி இருந்ததால், மாமியார் பலமுறை விஷம் கொடுத்து கொல்ல முயன்றார்; ஆனால், கிருஷ்ணரின் அருளால், அவருக்கு எந்தவித பாதிப்பும் ஏற்படவில்லை.  மீரா பாய் மேவார் இராச்சியத்தை விட்டு வெளியேறி புனித யாத்திரை சென்றார். தனது கடைசி ஆண்டுகளில், மீரா பிருந்தாவனத்தில் வாழ்ந்தார், அங்கு அவர் 1547–ஆம் ஆண்டில் கிருஷ்ணரின் சிலையுடன் இணைந்ததன் மூலம் அதிசயமாக மறைந்தார் என்று புராணங்கள் கூறுகின்றன.

மீராவின் பெரும்பாலான கவிதைகள் கிருஷ்ணருக்கு அர்ப்பணிக்கப்பட்டவை. மீராபாயின் பல பாடல்கள் இன்றும் பஜனைகளாகப் பாடப்பட்டு வருகின்றன. பகவான் கிருஷ்ணர் மீது அவர் கொண்டிருந்த தூய பக்திக்காக மக்களால் மிகவும் நினைவுகூரப்பட்டார்.

பகவான் கிருஷ்ணர் மீது கொண்ட உண்மையான பக்தியால், பலரால் பாதிக்கப்பட்டவர் மீராபாய். ஆனால் அதனால் அவருக்கு துயரம் ஏற்படவில்லை. ஸ்ரீபக்த பிரகலாதன், துருவன், மார்க்கண்டேயர் ஆகியோரின் பக்திக்கு நிகரானது இவளது பக்தி. 

இவளைப் போன்றே இறைவனிடம் பக்தியை வளர்த்துக் கொண்டால் நாமும் இறைவனுடன் ஐக்கியமாகி நித்திய ஆனந்தத்தை அடைந்து, பிறப்புச் சுழற்சியில் இருந்து தப்பிக்கலாம். இந்த கலியுகத்தில் நாம் அன்றாட வாழ்வில் சந்திக்கும் பிரச்சனைகளில் இருந்து தப்பிக்க ஒரே வழி இறை பக்தி தான்.

நாம ஜபம் என்பது மிக முக்கியமான விஷயம், அதை தவறாமல் செய்ய வேண்டும். இதன் மூலம், நோயிலிருந்து நிவாரணம், நல்ல ஆரோக்கியம், செல்வத்தைப் பெறுதல் மற்றும் நம் வாழ்க்கையில் அனைத்து செழிப்புகள் போன்ற பல நல்ல மாற்றங்களை நம் வாழ்க்கையில் காணலாம். மகான் மீராபாய் மற்றும் பகவான் கிருஷ்ணரின் திருநாமத்தை உச்சரித்து, அவர்களின் ஆசி பெற்று என்றென்றும் மகிழ்ச்சியாக வாழ்வோம்.

“ஓம் ஸ்ரீ பக்த மீராவே நமஹ” 

“ஜெய் கிருஷ்ணா, ஜெய் கோவிந்தா, ஜெய் கோபாலா, முராரி” 

எழுதியவர்: ரா.ஹரிசங்கர்

இதைப் பதிவேற்றியவர்..

Umamaheswari Sivanesan

வணக்கம்! நான் உமா, சென்னையில் வசித்து வருகிறேன். வேதியியல் துறையில் முதுநிலை பட்டம் (M.Sc. Chemistry) பெற்றுள்ளேன், ஆனால் என் உள்ளார்ந்த ஆர்வம் ஆன்மிகம் மற்றும் தமிழ் கலாசாரத்தின் ஆழமான பாரம்பரியத்தில் உள்ளது.

Read full bio →