பொரிச்ச ரசம் செய்வது எப்படி?

Poricha Rasam Recipe in Tamil

இந்த ரசத்தின் சிறப்பு புளியில்லாமல் தக்காளி அதிகம் சேர்த்து செய்வது. உபவாசம் இருக்கும் நாட்களில் புளியில்லாமல் இந்த ரசம் செய்வார்கள்.

தேவையான பொருட்கள்

தக்காளி – 2 பெரியது
வேகவைத்த துவரம் பருப்பு – 2 டேபிள்ஸ்பூன்
பொடியாக நறுக்கிய கொத்தமல்லி – சிறிது
கறிவேப்பிலை – 1 கொத்து
துருவிய தேங்காய் – 2 டேபிள்ஸ்பூன்
மஞ்சள்தூள் – 1/4 டீஸ்பூன்
உப்பு – தேவைக்கு

தாளிக்க

நெய் – 1 டீஸ்பூன்
கடுகு – 1/2 டீஸ்பூன்
பெருங்காயத்தூள் – 1/8 டீஸ்பூன்
காய்ந்த மிளகாய் – 1

நெய்யில் வதக்க

காய்ந்த மிளகாய் – 2
கடலைபருப்பு – 2 டீஸ்பூன்
மிளகு – 1 1/2 டீஸ்பூன்
சீரகம் – 2 டீஸ்பூன்
உளுத்தம்பருப்பு – 1 டீஸ்பூன்

பொரிச்ச ரசம் செய்முறை

• நெய்யில் வதக்க கொடுத்துள்ள பொருட்களை வதக்கி தேங்காய் சேர்த்து கொரகொரப்பாக அரைக்கவும்.

• பாத்திரத்தில் 3 கப் நீர் ஊற்றி நறுக்கிய  தக்காளி, மஞ்சள்தூள் சேர்த்து வேக வைக்கவும்.

• தக்காளி வெந்ததும் அரைத்த மசாலா, உப்பு மற்றும் வேகவைத்த பருப்பு சேர்க்கவும்.

• மேலே நுறைத்து வரும் போது தேவையான நீர் ஊற்றி கறிவேப்பிலை + கொத்தமல்லி சேர்த்து தாளிக்க கொடுத்துள்ள பொருட்களை தாளித்து சேர்க்கவும்.

இதைப் பதிவேற்றியவர்..

Dineshgandhi

நான் தினேஷ், Aanmeegam.org வலைத்தளத்தின் நிறுவனர். 2018 ஆம் ஆண்டு Blogger மூலம் ஆரம்பித்து 2020 இல் WordPress-க்கு மாறினேன். ACCET, காரைக்குடியில் MCA முடித்துள்ளேன். 10 ஆண்டுகளுக்கும் மேல் அனுபவம் வாய்ந்த SEO நிபுணராகவும், ஆன்மிக பதிவாளராகவும் செயல்படுகிறேன்.

Read full bio →